"Bakı" klubunda yaranan maliyyə problemləri səbəbindən bir neçə futbolçu komandadan gedib. Sportnet.az-ın məlumatına görə, bu barədə klubun katibi Zəka İbrahimovun açıqlaması klubun rəsmi "facebook" səhifəsində yayımlanıb.
İbrahimov ayrılan futbolçuların klubdan heç kimə məlumat verməyərək getdiklərini bildirib: "Bundan bizim heç bir xəbərimiz yoxdur. Onlar əsasən klubumuzun Futbol Akademiyasının yetişdirdiyi gənc futbolçulardır. "Bakı” klubu onların bir futbolçu kimi yetişməsində müstəsna rol oynayıb. Ona görə bu oyunçuları öz heyətlərinə cəlb etmək istəyən klublar ilk öncə "Bakı” Futbol Klubu ilə əlaqə saxlamalıdır. Yalnız bundan sonra hansısa futbolçumuzun başqa kluba keçidi müzakirə oluna bilər”.
