Çinin
Nankin şəhərində keçirilən Yeniyetmələrin II Olimpiya oyunlarında uğurlu
nəticələr göstərmiş Azərbaycan idmançıları avqustun 31-də Bakıya qayıdacaqlar.
Gənclər və İdman Nazirliyinin mətbuat xidmətindən Sportnet.az-a verilən
məlumata görə, olimpiyaçılarımızı gətirən təyyarə axşam saatlarında Heydər
Əliyev adına beynəlxalq hava limanına enəcək.
Onları
qarşılamaq istəyən jurnalislər üçün saat 16:00-da nazirliyin qarşısından
avtobus yola düşəcək. Qarşılanma mərasimindən sonra idmançılar Mərkəzi Bankın
qarşısındakı Heydər Əliyev abidəsini ziyarət edəcəklər.
Qeyd edək ki, idmançılarımız olimpiadada 5 qızıl, 6 gümüş, 1 bürünc medal qazanıblar. Eyni zamanda nümunəvi xarakterli uşu yarışlarında təmsilçilərimiz 1 gümüş 2 bürünc medal qazanıblar.
