"Sözü çox uzatmaq niyyətim yoxdur. Mənim oyunçularım qol zamanı stressdə olurdular. Bu gün isə hər şeydən razı qaldım". "Xəzər Lənkəran”ın baş məşqçisi Oğuz Çətin "Araz Naxçıvan"ı 2:0 hesabı ilə məğlub etdikləri Topaz Premyer Liqasının VI tur oyunundan sonra deyib.
Türkiyəli mütəxəssis bildirib ki, qol vurmaq problemini tamamilə həll etdikdən sonra istənilən rəqibi məğlub etməyə qadirdirlər: "Bu gün rəqibə heç bir şans vermədik. Qol bir az gec vurulsa da, əsas - qələbədir. Qolu erkən vursaydıq, hesab daha fərqli olardı. Ardıcıl qələbələr qazanmalıyıq”.
