"Neftçi”nin baş məşqçisi Arif Əsədov "Qaradağ Lökbatan”la yoxlama oyunu haqda fikirlərini bildirib. Sportnet.az-ın məlumatına görə, təcrübəli mütəxəssis klubun rəsmi saytına açıqlamasında nəticəni önəmli saymadığını deyib.
Onun fikrincə, belə oyunlarda əsas məqsəd heyətin bütün üzvlərini yoxlayıb komandanı Premyer Liqa matçlarına hazırlamaqdır: "Yoxlama görüşlərində heyətin bir çox üzvünü sınamaq şansımız olur. Düzdür, bəzi futbolçularımız milli komandaların düşərgəsinə çağırıldığından, heyət üzvlərinin hamısı yoxlama oyununda iştirak edə bilmədi. Bununla belə, gənclər üçün özlərini göstərmək baxımından da əhəmiyyətli oyun oldu. Matç zamanı müəyyən taktiki dəyişiklərə əl atdıq. Üstəlik, ikinci hissədə heyətin yarıdan çoxunu dəyişdik və gəncləri sınadıq. Onlar "Neftçi”nin gələcəyidir. Gənclər belə oyunlarda təcrübə toplamalıdılar. İnanıram ki, bu futbolçular gələcəkdə əsas komandada möhkəmlənə biləcəklər”.
Onun fikrincə, belə oyunlarda əsas məqsəd heyətin bütün üzvlərini yoxlayıb komandanı Premyer Liqa matçlarına hazırlamaqdır: "Yoxlama görüşlərində heyətin bir çox üzvünü sınamaq şansımız olur. Düzdür, bəzi futbolçularımız milli komandaların düşərgəsinə çağırıldığından, heyət üzvlərinin hamısı yoxlama oyununda iştirak edə bilmədi. Bununla belə, gənclər üçün özlərini göstərmək baxımından da əhəmiyyətli oyun oldu. Matç zamanı müəyyən taktiki dəyişiklərə əl atdıq. Üstəlik, ikinci hissədə heyətin yarıdan çoxunu dəyişdik və gəncləri sınadıq. Onlar "Neftçi”nin gələcəyidir. Gənclər belə oyunlarda təcrübə toplamalıdılar. İnanıram ki, bu futbolçular gələcəkdə əsas komandada möhkəmlənə biləcəklər”.
Qeyd edək ki, yoxlama matçı "Neftçi"nin 4:1 hesablı qələbəsi ilə yekunlaşıb.
