Milli komandaların AVRO-2016-nın seçmə mərhələ oyunları ilə bağlı yaranan fasilə başa çatıb. Sportnet.az-ın məlumatına görə, Premyer Liqa bu gün qaldığı yerdən davam edəcək.
Bu turun oyunları 3 gün keçiriləcək. İlk oyun günündə iki qarşılaşma oynanılacaq. Günün mərkəzi matçı liderlər qrupunda qərarlaşan son çempion "Qarabağ”la "Qəbələ” arasında olacaq. Avrop Liqasının qrup mərhələsində mübarizə aparan Ağdam klubunun Tofiq Bəhramov adına Respublika stadionundakı oyununu FİFA referisi Rəhim Həsənov idarə edəcək. Bu klublar tarixləri ərzində 24 dəfə qarşılaşıblar ki, onlardan da 12-də Ağdam təmsilçisi, 5-də Qəbələ klubu qələbəni bayram edib. 7 oyun heç-heçə başa çatıb.
Günün digər duelində isə Sumqayıtın eyndiadlı komandası ilə "Neftçi" üz-üzə gələcək. "Kapital Bank Arena"da keçiriləcək görüşü Ömər Paşayev idarə edəcək. Ötən mövsümü autsayder kimi başa vuran "Sumqayıt" "ağ-qaralar" üçün son oyunlarda arzuolunmaz rəqibdir. Təsadüfi deyil ki, bu kollektivlərin oyunlarında "Neftçi” cüzi üstünlüyə malik olsa da, son iki matçda sumqayıtlılar qalib gəliblər. Ümumilikdə 8 oyunun 3-də "Sumqayıt", 4-də "Neftçi" qələbəni bayram edib. Daha bir matç heç-heçə ilə nəticələnib.
Qeyd edək ki, turun digər qarşılaşmaları sabah və birisigün keçiriləcək:
Topaz Premyer Liqası, VIII tur
17 oktyabr (cümə)
"Sumqayıt” – "Neftçi” 0:1
Qol: Ernest Nfor, 12
Qol: Ernest Nfor, 12
Hakimlər: Ömər Paşayev, Zeynal Zeynalov, Rahil Ramazanov, Feyzulla Feyzullayev
AFFA nümayəndəsi: Oqtay Abdullayev
Hakim-inspektor: Asim Xudiyev
"Kapital Bank Arena”, süni örtüklü meydança, 16:00
"Sumqayıt”: 1. Andrey Popoviç, 2. Slavik Alxasov, 3. Vurğun Hüseynov, 7. Ruslan Poladov (k), 9. Orxan Əliyev, 14. Məhəmməd Qurbanov, 15. Nodar Məmmədov, 17. Ramazan Abbasov, 18. Aleksandr Çertoqanov, 22. Tofiq Mikayılov, 45. Murad Ağayev. Baş məşqçi: Aqil Məmmədov.
Ehtiyat oyunçular: 63. Şahruddin Məhəmmədəliyev, 5. Cəmil Hacıyev, 6. Tagim Novruzov, 10. Tərzin Cahangirov, 11. Kiyan Sultanpur, 77. Təvəkkül Məmmədov, 86. Fərid Quliyev.
"Neftçi”: 30. Saşa Stamenkoviç , 2. Karlos Kardozo, 5. Elvin Yunuszadə, 7. Araz Abdullayev, 9. Flavinyo (k), 14. Elnur Allahverdiyev, 18. Kaue da Silva, 19. Mirhüseyn Seyidov, 23. Ruslan Qurbanov, 27. Məqsəd İsayev, 90. Erenst Nfor. Baş məşqçi: Arif Əsədov
Ehtiyat oyunçular: 1. Emil Balayev, 3. Denis Silva, 11. Nikolas Kanales, 15. Erik Ramos, 17. Nicat Qurbanov, 21. Samir Məsimov, 28. Emin Mehtiyev
"Qarabağ” – "Qəbələ” 2:0
Qol: Vüqar Nadirov, 45+2. Reynaldo, 89 - penalti ilə
Qol: Vüqar Nadirov, 45+2. Reynaldo, 89 - penalti ilə
Hakimlər: Rəhim Həsənov, Yaşar Abbasov, Nahid Əliyev, Nail Nağıyev
AFFA nümayəndəsi: Maşallah Əhmədov
Hakim-inspektor: Məhəmməd Məmmədov
Tofiq Bəhramov adına Respublika stadionu, 19:30
"Qarabağ”: 13. İbrahim Şehiç, 5. Maksim Medvedev, 6. Hacı Əhmədov, 10. Muarem Muarem, 14. Rəşad Sadıqov (k), 17. Vüqar Nadirov, 20. Riçard Almeyda, 24. Admir Teli, 25. Ansi Aqolli, 41. Leroy Corc, 77. Cavid Tağıyev. Baş məşqçi: Qurban Qurbanov
Ehtiyat oyunçular: 1. Fərhad Vəliyev, 2. Qara Qarayev, 8. İnnosent Emeqara, 9. Reynaldo Silva, 18. İlqar Qurbanov, 55. Bədavi Hüseynov, 99. Namiq Ələsgərov.
"Qəbələ”: 1. Kamran Ağayev (k), 4. Elvin Camalov, 9. Viktor Mendi, 10. Dodo, 12. Aleksandru Benqa, 14. Cavid Hüseynov, 16. Ruslan Tağızadə, 25. Adrian Ropotan, 26. Pavol Farkaş, 34. Urfan Abbasov, 44. Rafael Santos. Baş məşqçi: Dorinel Munteanu
Ehtiyat oyunçular: 30. Anar Nəzirov, 8. Vidal Kunya Markus, 11. Andrei Kristea, 5. Sadiq Quliyev, 21. Yazalde de Pinto, 88. Müşfiq Teymurov, 90. Ekiqo Ehiosun.
18 oktyabr (şənbə)
"Araz Naxçıvan” – AZAL
Hakimlər: Fariz Yusifov, Azər Əsgərov, Mübariz Haşımov, Teymur Fərhadov
AFFA nümayəndəsi: Şaiq Həmidov
Hakim-inspektor: Fazil Mürşüdov
Naxçıvan Muxtar Respublika stadionu, 15:00
"İnter” - "Simurq”
Hakimlər: İnqilab Məmmədov, Munis Abdullayev, Coşqun Həsənov, Ziya Nəsirov
AFFA nümayəndəsi: Elbrus Abbasov
Hakim-inspektor: Murad Məmmədov
"İnter Arena”, 18:00
19 oktyabr (bazar)
"Xəzər Lənkəran” – "Bakı”
Hakimlər: Əliyar Ağayev, Rza Məmmədov, Knyaz Əmiraslanov, Rahil Əhmədov
AFFA nümayəndəsi: Telman Əzizov
Hakim-inspektor: Səfər Haşımov
"Xəzər Lənkəran” mərkəzi stadionu, 17:00.
