"Neftçi"nin vitse-prezidenti Elnur Məmmədov Araz Abdullayevin əsas komandaya qaytarıldığına dair xəbərlərə münasibət bildirib. Klub rəsmisi Sportnet.az-ın sorğusuna cavab olaraq bildirib ki, gənc yarımmüdafiəçi haqda hələ qərar qəbul olunmayıb.
O, deyib: "Araz Abdullayev "Neftçi” ilə yanaşı, həm də Azərbaycan yığma komandasında daim start heyətində yer alan futbolçulardan biridir. Gənc və perspektivli oyunuçu kimi Araz Abdullayevə böyük ümidlər bəslənir və o, klub rəhbərliyi, eləcə də məşqçilər heyəti tərəfindən daim nəzarətdədir. Futbolçu əvəzedici heyətdə məşqlərə qatılıb. Araz ilə bağlı hər hansı yeni qərar qəbul edilsə, bu haqda ictimaiyyətə rəsmi məlumat veriləcək".
Qeyd edək ki, Araz Abdullayev Premyer Liqanın VIII turunda "Sumqayıt"la matçda əvəzləndiyi an baş məşqçi Arif Əsədovun əlini sıxmadığı üçün klub tərəfindən cəzalandırılıb və əvəzedici heyətə göndərilib.
