"İtirələcək heç nəyimiz
yoxdu, qələbə qazanmalıyıq”. Sportnet.az-ın məlumatına görə, bunu sabah Avropa
Liqasının qrup mərhələsinin oyununda "Qarabağ”la qarşılaşacaq "Dnepr”
klubunun baş məşqçisi Miron Markeviç bu gün mətbuat konfransında
deyib.
Baş məşqçi jurnalistlərin
suallarını cavablayıb.
- Sabahkı matçda hansı futbola üstünlük verəcəksiniz?
- İtirələcək heç nəyimiz yoxdu, qələbə qazanmalıyıq. Buna görə də, hücum futbolu
oynayacağıq.
- Neçə hücumçu ilə oynayacaqsınız?
- Hələ bilmirəm. Avropa
Liqası və daxili çempionat arasında seçim qarşısında qalmışam. Bazar günü "Şaxtyor”nan
oyun var, onu da nəzərə almalıyıq. Ola bilsin ki, bəzi oyunçulara istirahət
verim.
- "Qarabağ”la ilk oyunda Zazulya oyuna çıxmadı. Ancaq "Dinamo” ilə oyunda onu meydana buraxdınız. Bəs, sabah meydanda olacaqmı?
- Zazulya 18-likdə var. Hələ qərar verməmişəm, 3 yaxşı hücumçumuz var.
Qeyd edək ki, "Qarabağ" - "Dnepr" matçı sabah saat 21:00-da start götürəcək.
