"Qəbələ” klubu Dorinel Muntyanunun istefasını qəbul edib. Sportnet.az-ın məlumatına görə, klubun rəsmi saytında bildirilir ki, Muntyanunun rəhbərliyə təqdim etdiyi istefa ərizəsi qəbul olunub.
"Qəbələ”nin baş məşqçi postu müvəqqəti olaraq yardımçı-məşqçi Sənan Qurbanova tapşırılıb. Əsas komandada fəaliyyət göstərən qapıçı məşqçisi Dimitri Kramarenko və "Qəbələ” Futbol Akademiyasının U-17 komandasının məşqçisi Ramin Quliyev Sənan Qurbanova kömək edəcəklər.
"Qəbələ" Dorinel Muntyanuya yarım illik fəaliyyəti ilə əlaqədar təşəkkür edib və gələcək karyerasında uğurlar arzulayıb.
