"Həqiqətən də İdman Arbitraj Məhkəməsinə şikayət etmişik". Bunu Sportnet.az-a açıqlamasında "Qarabağ"ın direktoru Əmrah Çelikəl deyib.
Ə.Çəlikəlin sözlərinə görə, bu müraciətdə iki məqsəd güdülüb: "Biz Avropa Liqasının qrup mərhələsində İtaliya "İnter"i ilə matçda vurduğumuz təmiz qolun yarım il sonra sayılacağını güman etmirik. Amma UEFA Nizam İntizam və Etika Komitəsinə etdiyimiz şikayətə cavab olaraq, qolun hakim səhvi üzündən sayılmadığı bildirilib. Biz isə matçın sonadək oynadılmadığı, bununla da oyun qaydalarının pozulduğunu sübut etmək niyyətindəyik. Digər məqsəd isə etiraz haqqımızdan yararlanmaqdır".
