Topaz Premyer Liqasının XXXII turunda "Neftçi" ilə oyundan sonra (2:2) "Sumqayıt"ın futbolçusu Məhəmməd Qurbanov jurnalistlərin suallarını cavablandırıb. Sportnet.az həmin müsahibəni təqdim edir.
- Oyun haqda fikirləriniz...
- Açıq oyun gedirdi. Erkən qol vurduq, lakin rəqibin cavabı tez gədli. Sonra hesabda yenə önə çıxdıq. İlk hissənin sonlarında rəqib azlıqda qaldı. Artıq fasilədən əvvəl bizdə arxayınlıq yarandı. Oyunun fasiləsində baş məşqçi bizə kompakt oynamağı tapşırdı ki, qol buraxmayaq. Buna görə ikinci hissəsin "Neftçi" elə də təhlükəli epizodlar yarada bilmədi. Bizim qol imkanlarımız çox oldu. Biz 3-cü qolu vusaydıq artıq oyunun talehi həll olunacaqdı və arxayın olacaqdıq. Özümüz fürsəti əldə verdik.
- Qələbəni əldən vermək neçə təsir etdi?
- Əlbəttəki pis təsir etdi. Lakin digər tərəfdən də baxanda rəqib "Neftçi" idi. Onların meydanda 10 və ya 11 nəfərlə oynamasından asılı olmayaraq, istənilən halda güclüdürlər. Biz azlıqda qalsaydıq, "Neftçi" öndə olsaydı, biz də eyni şeyi edərdik. Ancaq biz müdafiəyə oturmadıq, daha bir qol vurmağa çalışdıq
- Mövsümün sonunda "Sumqayıt"da qalacaqsınız, ya hansısa klubdan təklif var?
- Bilmirəm. Klubumla yarım illik müqaviləm var. Başqa klubdan isə təklif yoxdur.
- Milli komandanın baş məşqçisi Robert Prosineçki sizdən razı qaldığını bildirib. Sizcə, qarşıdan gələn Serbiya və Norveçlə oyunlara dəvət alacaqsınız?
- Baş məşqçi tərəfindən təriflənmək sevindiri haldır. Oyunlara dəvət alsam, əlbəttəki şad olaram və yaxşı hazırlaşacam. Bu milli komandadır. Qələbə qazanması üçün əlimizdən gələni edəcəyik.
