Azərbaycan Nəşriyyatının KİV təmsilçiləri arasında Heydər Əliyevin doğum gününə həsr olunmuş ənənəvi şahmat turnirinə yekun vurulub. Sportnet.az-ın məlumatına görə, yarışda 16 jurnalist qüvvəsini sınayıb.
Turinir dairəvi sistem üzrə keçirilib. 15 oyunundan 14-də qələbə qazanan Sportnet.az-ın əməkdaşı Ceyhun Əliyev 4-cü dəfə turnirin qalibi adını qazanıb. İkinci pilləyə təmsilçimizdən yarım xal geri qalan "Novoye vremya”nın əməkdaşı Mehdi Abbasov yüksəlib. Üçüncü pilləni isə AzərTAC-ın əməkdaşı Ramiz Quliyev tutub.
Turnirin bağlanış mərasimində qaliblər qiymətli hədiyyələr, bütün iştirakçılar isə fəxri diplomla təltif olunublar.
