UEFA-nın rəsmi saytında maraqlı statistika dərc olunub. Sportnet.az-ın məlumatına görə, "Xəzər Lənkəran"ı çalışdırmış Con Benjamin Toşak "Avropa futbolunun gəzəyənləri" siyahısına daxil edilib.
Siyahının ön sıralarında yer alan uelsli mütəxəssis Azərbaycanda daxil olmaqla 9 ölkədə baş məşqçi kimi fəaliyyət göstərib. O, İngiltərə, Portuqaliya, İspaniya, Uels, Türkiyə, Fransa, İtaliya, Makedoniya və Azərbaycan klubları ilə işləyib.
2013-cü ilin martında Lənkəran klubu ilə müqavilə imzalayan 66 yaşlı mütəxəssisin tək çempionluğu "Real Madrid" dönəmində olub (1999-2000). Toşakın çalışdırdığı komandalar sırasında Madrid klubundan əlavə "Sportinq", "Real Sosyedad", "Sent-Etyen", "Suonsi Siti", "Vidad" (Kasablanka) və "Xəzər Lənkəran" klubları yer alıb.
Qeyd edək ki, Con Toşak "Xəzər Lənkəran"a gəldiyi ilin noyabrında komanda ilə yollarını ayırıb.
