Qadın voleybolçular arasında Azərbaycan Super Liqasının həlledici mərhələlərinin keçirilmə tarixi dəqiqləşib. Çempionatda yarımfinal oyunlarına martın 26-da start veriləcək.
Həmin gün saat 17:00-da meydana "Telekom”la və "Lokomotiv” çıxacaqlar. Bundan 2 saat sonra isə "Azərreyl” "Azəryol”u sınağa çəkəcək.
Komandalar ikinci görüşlərini martın 28-də keçirəcəklər. Bu dəfə "sabiq bacılar”ın oyunu daha tez başlayacaq.
2 qələbəyədək davam edəcək yarımfinal seriyalarında üçüncü matça ehtiyac olarsa, həmin görüşlər martın 30-a planlaşdırılıb.
Üçüncü yer uğrunda və final duellərinə isə aprelin 5-də start veriləcək. 3 qələbəyə kimi olacaq seriya aprelin 7-də və 9-dakı oyunlarla davam etdiriləcək. Zərurət yaranarsa, komandaların 4-cü oyunu aprelin 14-də, 5-ci qarşılaşması isə 16-da baş tutacaq.
Qarşılaşmalar Bakı İdman Sarayında keçiriləcək.
Yarımfinal mərhələsi
26 mart
I oyunlar
17:00. "Telekom” – "Lokomotiv”
19:00. "Azərreyl” – "Azəryol”
28 mart
II oyunlar
17:00. "Azəryol” – "Azərreyl”
19:00. "Lokomotiv” – "Telekom”
30 mart
III oyunlar (ehtiyac olarsa)
17:00. "Azərreyl” – "Azəryol”
19:00. "Telekom” – "Lokomotiv”
Final mərhələsi
I oyunlar
5 aprel
17:00. 3-cü yer uğrunda
19:00. Final
II oyunlar
7 aprel
17:00. Final
19:00. 3-cü yer uğrunda
III oyunlar
9 aprel
17:00. 3-cü yer uğrunda
19:00. Final
14 aprel
IV oyunlar (ehtiyac olarsa)
17:00. Final
19:00. 3-cü yer uğrunda
16 aprel
V oyunlar (ehtiyac olarsa)
17:00. 3-cü yer uğrunda
19:00. Final
Qeyd edək ki, çempionatın əsas hissəsi martın 20-də başa çatacaq (apasport.az).
