Fransa yığması kişilər arasında keçirilən həndbol üzrə dünya çempionatının qalibi olub. Sportnet.az-ın məlumatına görə, fransalılar doğma meydanda keçirilən turnirin finalında Norveç yığması üzərində 33:26 hesabı ilə qələbə qazanıblar.
Fransa həndbolçuları bu titula ardarda 2-ci, ümumilikdə isə 6-cı dəfə (1995, 2001, 2009, 2011, 2015, 2017-ci illər) yiyələniblər. Eyni zamanda 2001-ci ildə də turnir Fransada keçirilib.
Çempionatın bürünc mükafatçısı üçüncü yer uğrunda görüşdə Xorvatiyanı 31:30 hesabı ilə məğlub edən Sloveniya olub.
Növbəti dünya çempionatı 2019-cu ildə Danimarka və Almaniyada keçiriləcək.
