Voleybolçu qadınlardan ibarət Azərbaycan milli komandası Yaponiyadakı dünya çempionatında III tur matçına çıxıb.
Sportnet.az xəbər verir ki, rəqib Rusiya yığması olub. Kobe şəhərində təşkil olunmuş qarşılaşma qonşu ölkə komandasının qələbəsi ilə yekunlaşıb - 3:0. İlk 2 setdən 25:21 hesablı üstünlüklə ayrılan Rusiya sonuncusunu daha az fərqlə öndə bitirib - 25:22.
Bu, Azərbaycan yığmasının dünya çempionatında ikinci məğlubiyyəti olub. Faiq Qarayevin baş məşqçi olduğu kollektiv ilk turda ABŞ-a da eyni hesabla uduzub. Ötən tur isə Cənubi Koreya üzərində qələbə qazanmaq mümkün olub - 3:1.
Hazırda qonşu ölkə komandası 8 xalla C qrupunda 1-ci yerdə gedir. ABŞ 6 xalla 2-cidir, Tailand və Azərbaycan hərəyə 3 xalla 3-4-cü yerləri bölüşür. Cənubi Koreya 1 xalla 5-ci, xalsız Trinidad və Tobaqo sonuncudur.
Bu gün qrupun digər oyunlarında Trinidad və Tobaqo Tailandla, ABŞ Cənubi Koreya ilə üz-üzə gələcək.
Dünya çempionatı
C qrupu
8:40. Rusiya - Azərbaycan - 3:0 (25:21, 25:21, 25:22)
