Ukraynanın "Dinamo" (Kiyev) komandası tarixi ərzində ən ağır ev məğlubiyyətinə məruz qalıb. Sportnet.az-ın məlumatına görə, baş məşqçi Sergey Rebrovun komandası ölkə çempionatının XI turunda əzəli rəqibi "Şaxtyor"a uduzub - 0:3.
Bunadək Kiyev təmsilçisinin ən böyük hesablı ev məğlubiyyəti 0:2 olub. Belə hesabla "Dinamo" 6 dəfə uduzub. Ən böyük hesablı səfər məğlubiyyəti isə 2013-2014 mövsümündə qeydə alınıb. Həmin vaxt "Metallist" "göy-ağlar"ı 3:0 hesabı ilə yenib.
