Azərbaycan Cüdo Federasiyasının (ACF) prezidenti Rövnəq Abdullayev Fransanın paytaxtı Parisdə keçirilən "Böyük Dəbilqə" turnirində iştirak edib. Sportnet.az-ın məlumatına görə, R.Abdullayev Beynəlxalq Cüdo Federasiyasının prezidenti Marius Vizerlə birgə yarışı izləyib.
O, 73 kq çəki dərəcəsində fəxri kürsüyə yüksəlmiş cüdoçuların mükafatlandırma mərasiminə hazırda ACF-nin vitse-prezidenti vəzifəsində çalışan Elnur Məmmədli ilə birgə qatılıb. ACF prezidenti Azərbaycan cüdoçusu Rüstəm Orucova gümüş medal, E.Məmmədli isə xatirə hədiyyəsi təqdim edib.
