İyunun 6-da "MYVİDEO” TV-də Fransada keçiriləcək Avropa çempionatına həsr olunan "Futbol Dalğası EURO 2016” verilişi canlı yayımda efirə gedib. Sportnet.az-ın məlumatına görə, Araz Əhmədovun aparıcısı olduğu proqramda ekspert qismində Sportnet.az-ın redaktoru Mehman Süleymanov olub.
"Qaynar.info” saytının idman redaktoru Səbuhi Tofiqoğlu və "Əlincə” klubunun 14 yaşlılardan ibarət komandasının baş məşqçisi Cəfər Hüseynov müzakirələrə qatılıblar.
Proqramda Avropa çempionatında iştirak edəcək yığmaların keçirdiyi son yoxlama görüşləri, komandaların heyətləri və kollektivlərin hansı vəzifələrin öhdəsindən gələ biləcəyi müzakirə edilib, həmçinin milli komandamızdan söz açılıb. Bir saat ərzində turnirin qalibi adını qazana biləcək sürpriz yığmalarında şanslarıda dəyərləndirilib.
Qeyd edək ki, "Futbol Dalğası” verilişi hər həftənin bazar ertəsi, "MYVİDEO” TV-də saat 18:30-da yayımlanır.
