Azərbaycan kubokunun 1/4 final mərhələsinin "İnter"lə səfər oyunundan sonra bir gün istirahət edən "Kəpəz" bu gün Bakıda məşqləri bərpa edib. Sportnet.az-ın məlumatına görə, komanda Azərbaycan Premyer Liqasının XIV turu çərçivəsində "Qəbələ" ilə rəqib meydanında keçirəcəyi oyuna hazırlaşır.
Azərbaycan Dövlət Bədən Tərbiyəsi və İdman Akademiyasının meydançasında məşqə çıxan "sarı-göylər" sabah Qəbələyə yollanacaq. Gəncə klubu çempionat matçı öncəsi son məşqinə Qəbələ şəhər stadionunda çıxacaq.
Hazırlıq prosesi saat 16:00-a təyin olunub.
