2016-cı il Rio-de-Janeyro Yay Olimpiya Oyunlarının növbəti yarış günündə Azərbaycanın yeni növlərdə təmsilçiləri mübarizəyə başlayıb. Sportnet.az-ın məlumatına görə, atletikanın üç təkanla uzununa tullanma növündə Nazim Babayev çıxış edib.
19 yaşlı Avropa çempionumuz A qrupunda yer alıb. Olimpiya yığmamızın ən gənc üzvü start xəttinə 22-ci çıxıb. 16,38 metr nəticə göstərən idmançımız öz qrupunda 13-cü olub.
Ümumilikdə isə 48 atlet arasında 25-ci yeri tutan atletimiz finala yüksələ bilmədiyindən, Olimpiadada çıxışını başa vurub.
Qeyd edək ki, çəkicatan Anna Skidan Olimpiadanı 13-cü pillədə başa vurub. Atletlərimizdən "Rio-2016"da Evans Kiplaqatla (marafon) Hayle İbrahimov (5000 m) da çıxış edəcəklər.
