Bakı 2015 Avropa Oyunlarında basketbol üzrə 3x3 yarışları üçün komandaların adları açıqlanıb. Sportnet.az-ın məlumatına görə, yarışlarda həm kişilər, həm də qadınlar üzrə 16 komandanın iştirakı təsdiqlənib.
İrlandiyanın qadın komandası öz ölkəsinin böyük idman tədbiri üçün basketbol yarışına ilk dəfə qatılmaq imkanı qazanmaqla tarix yazacaq. Azərbaycan isə ev sahibi kimi hər iki yarışda təmsil olunacaq.
Təsnifat siyahısına uyğun olaraq kişilər arasında yarışlarda Rumıniya, Sloveniya, Litva, Yunanıstan, Serbiya, Belçika, İspaniya, Estoniya, İzrail, Rusiya, Azərbaycan, Türkiyə, Çexiya, İsveçrə, İtaliya və Andorra komandaları iştirak edəcək.
Qadınların yarışında isə Rusiya, Sloveniya, Belçika, Niderland, Litva, Rumıniya, Türkiyə, İsveçrə, Ukrayna, İspaniya, İrlandiya, Çexiya, İzrail, Yunanıstan, Slovakiya və Azərbaycan komandaları qızıl medal uğrunda yarışacaqlar.
Qeyd edək ki, I Avropa Oyunları gələn il iyunun 12-dən 28-dək keçiriləcək.
Dörd gün davam edəcək turnir 2000 tamaşaçı üçün nəzərdə tutulmuş müvəqqəti Basketbol Arenasında baş tutacaq. Oyun iki komanda arasında mövqe hücumundan başlayacaq.
Qeyd edək ki, I Avropa Oyunları gələn il iyunun 12-dən 28-dək keçiriləcək.
