"Qarabağ" tarix yaza bilmədi - YENİLƏNDİ

Bu gün Avropa Liqasında qrup mərhələsinin II dövrəsinə start verilib.Sportnet.az-ın məlumatına görə, Ağdam təmsilçisi "Qarabağ” IV tur çərçivəsində Tofiq Bəhramov adına Respublika Stadionunda "Dnepr" klubunun qəbul edib.

Bu görüş hər iki komanda üçün əhəmiyyətli olduğundan komandalar görüşə ciddi hazırlaşmışdılar. İlk 3 turda 4 xal toplayan "Qarabağ” ikinci pilləni əldən verməmək üçün ən azından 1 xal qazanmalı idi. Ukraynadakı qarşılaşmada rəqibini minimal hesabla udmasına baxmayaraq Ağdam təmsilçisi bu görüşdə məğlubiyyətlə üzləşdi. Hesabı 15-ci dəqiqədə Nikola Kaliniç açdı. İlk hissənin 36-cı dəqiqəsində isə Leroy Corc cərimə zərbəsindən baxımlı qola imza ataraq "Qarabağ"ın bərabərlik qolunu vurdu və komandalar fasiləyə bərabərliklə yollandılar. İlk hissədən sonra "Qarabağ"ın daha bir qol vuracağına ümid üdilsə də, əksinə oldu. Kaliniç dubl 73-cü dəqiqədə özünün və komandasının ikinci qoluna imza atdı. Bu qol oyunda son oldu və "Qarabağ" ikinci ev oyununda məğlub oldu. Bu qələbə sayəsində "Dnepr" qrupda həm ilk qələbəsini qazanmış oldu, həm də "Qarabağ"la xallarını bərabərləşdirdi.

Qrupun digər oyununda "Sent Etyen” Fransada "İnter”i qəbul eib. Matç 1:1 hesabı ilə başa çatıb. 

Bu oyunlardan sonra "İnter" 8 xalla qrupa başçılıq edir. Digər 3 komandanın aktivində isə 4 xal var. "Sent Etyen", "Dnepr" və "Qarabağ" müvafiq olaraq 2-ci, 3-cü və 4-cü pilləni bölüşdürürlər. 

Avropa Liqası

Qrup mərhələsi, IV tur

F qrupu

6 noyabr

21:00. "Qarabağ” (Azərbaycan) – "Dnepr” (Ukrayna) - 1:2 
Qollar: Leroy Corc, 36 - Nikola Kaliniç, 15, 73

Baş hakim: Pavel Qil

Baş hakimin köməkçiləri: Pyotr Sadçuk, Martsin Borkovski

Əlavə köməkçi hakimlər: Pavel Raçkovski, Kjiştof Yakubik

Dördüncü hakim: Konrad Sapela (hamısı Polşa)

Hakim-inspektor: Vladimir Antonov (Moldova)

Bakı. T. Bəhramov adına Respublika stadionu

"Qarabağ”: 13. İbrahim Şehiç, 2. Qara Qarayev, 5. Maksim Medvedev, 7. Namiq Yusifov, 9. Reynaldo Silva, 10. Muarem Muarem, 14. Rəşad Sadıqov (k), 20. Riçard Almeyda, 25. Ansi Aqolli, 41. Leroy Corc, 55. Bədavi Hüseynov

Ehtiyat oyunçular: 1. Fərhad Vəliyev, 6. Hacı Əhmədov, 17. Vüqar Nadirov, 18. İlqar Qurbanov, 24. Admir Teli, 77. Cavid Tağıyev, 99. Namiq Ələsgərov

Baş məşqçi: Qurban Qurbanov

"Dnepr”: 71. Denis Boyko, 3. Andrey Mazux, 9. Nikola Kaliniç, 10. Yevgeni Konoplyanka, 14. Yevgeni Çeberyaçko, 17. İvan Striniç, 18. Roman Zozulya, 20. Bruno Qama, 23. Duqlas, 29. Ruslan Rotan (k), 44. Artyom Fedetski

Ehtiyat oyunçular: 16. Yan Laştuvka, 4. Sergey Kravçenko, 7. Caba Kankava, 11. Yevgeni Seleznyov, 21. Mladen Bartuloviç, 24. Valeri Luçkeviç, 28. Yevgeni Şaxov

Baş məşqçi: Miron Markeviç

Oyun başladı.
İlk qayda pozuntusu "Qarabağ"dan gəldi.
Komandamız topu özündə saxlayır.
"Qarabağ"ın hücumu, Leroy Corc yerdə qalır. Hakimin fiti susur.
"Dnepr" hücum edir.
"Dnepr"ın hücumu təhlükəli oldu. Şehiç qola imkan vermədi.
Top "Qarabağ"dadı. Reynaldo təhlükəli vəziyyət yaradır, onu yıxırlar ama hakim yenə də susur.
11' Qara Qarayevin zərbəsi qapıçının üstünə gedir.
16' "Dnepr" hesabı açdı. Cinah asmasından sonra Nikola Kaliniç baş zərbəsi ilə hesabı açdı.
24' Muaremin zərbəsini müdafiəçi qarşısını alır. "Qarabağ" künc zərbəsi vurur.
25' "Dnepr"in futbolçusu zədələnir.
26' Şehiç zərbəni tutur.
28' Muaremin zərbəsi qapıdan aralı keçir.
29' "Dnepr" künc zərbəsi yerinə yetirir. Şehiç topa sahib olur.
30' "Dnepr" künc zərbəsi yerinə yetirir. "Qarabağ" üçün əks hücum şansı.
30' "Dnepr"in futbolçusu İvan Striniç sarı vərəqə alır.
32' "Qarabağ" künc zərbəsi yerinə yetirir.
35' "Qarabağ"ın hücumu davam edir. Reynaldo yerdə qalır hakim cərimə zərbəsi təyin edir.
36' Leroy Corc cərimə zərbəsindən hesabı bərabərləşdirir.
38' "Qarabağ"ın daha bir hücumu. Lakin topa çatmaq olmadı.
41' Qara Qarayevin uzaqdan zərbəsi Boyko topu tutur.

45' Hakim Bədavi hüseynova sarı vərəqə göstərir.
45+1' Hakim "Dnepr"in futbolçusu Nikola Kaliniçə sarı vərəqə göstərir.

45+1' İlk hissə başa çatdı.

FASİLƏ

46' İkinci hissə başladı. 
46' "Dnepr"in heyətində dəyişiklik. İvan Striniçin yerinə Caba Kankava meydana daxil olur.
48' Qara Qarayevə qarşı kobudlu. Hakim cərimə zərbəsi təyin edir.
49' Meydana yeni daxil olan Kankava Almeydaya qarşı kobud oynayır. Hakim "Dnepr"in oyunçusuna sarı vərəqə göstərir.
51'  Ruslan Rotan kobudluğa görə sarı vərəqə alır.
56' Riçard Almeydanın zərbəsini rəqib qapıçı dəf edir.
57' Qara Qarayevdən Buruno Qamaya qarşı kobud oyun. Hakim cərimə zərbəsi təyin edir.
60' Maksim Medvedev qaydanı pozur.
62' Şehiçə qarşı kobudluq. Hakim cərimə zərbəsi təyin edir.
63' Nikola Kaliniçin zərbəsi qapıdan aralı keçir.
64' Reynaldo uzaqdan zərbə endirir. Top qapıdan aralı keçir.
65' Leroy Corcun əvəzinə meydana Vüqar Nadirov daxil olur.
65' Maksim Medvedev qaydanı pozur.
68' Maksim Medvedev Bruno Qamaya qarşı kobud oynayır. Cərimə zərbəsi.
69' "Dnepr" təhlükəli vəziyyət yaradır.
70' Namiq Yusifov qaydanı pozur.
72' "Dnepr"in təhlükəli əks-hücumu. Müdafiəçilər hücumun qarşısını alırlar.
73' "Dnepr" qol vurur. Nikola Kaliniç komandasını önə keçirir. 
77' "Qarabağ" künc zərbəsi yerinə yetirir.
77' Namiq Yusifovun əvəzinə Cavid Tağıyev meydana daxil olur.
78' Muaremin zərbəsi dəqiq olmur.
78' Muarem qaydanı pozur.
81' Zazulya qaydanı pozur.
84' Reynaldoya qarşı kobudluq. Bruno Qama qaydanı pozur.
85' Nadirovun zərbəsi dəqiq olmur.
85' Bruno Qamanın yerinə Yevgeniy Şaxov meydana çıxır.
86' Konoplyanka qaydanı pozur.
88' Almeydanın zərbəsi qapıdan azacıq aralı keçir.
90' "Dnepr"in heyətində dəyişiklik. kapitan Ruslan Rotan meydandan çıxır. Onun yerinə Kravçenko meydana daxil olur.
90+3' Matç bitdi.