"Bizim üçün "Qarabağ"la oyun faydalı oldu. Sportnet.az-ın məlumatına görə, bunu İtaliyanın "İnter" klubunun baş məşqçisi Roberto Mançini Kyevo ilə A seriyası matçından öncə mətbuat konfransında deyib.
Dekabrın 15-də keçirəcəkləri qarşılaşma ərəfəsində danışan təcrübəli mütəxəssis bildirib ki, Avropa Liqasının Bakıdakı VI tur matçında bəzi futbolçularına istirahət, az oynayanlara isə daha böyük təcrübə qazanma şansı verib. O, "Qarabağ"a qarşı çıxış etmiş futbolçuları istənilən oyunu sərgiləmələri münasibətilə təbrik edib. Mançini komandasının Avroliqada uğur qazanmağa qadir olduğunu açıqlayıb. A seriyasında isə baş məşqçi 12-ci pillədən 3-cü pilləyədək irəliləməyi hədəflədiklərini bildirib.
Qeyd edək ki, "Kyevo" - "İnter" matçı sabah Bakı vaxtı ilə saat 24:00-da başlanacaq.
