Bakının "İnter" komandasına rəhbərlik edən Kaxaber Tsxadadze Gürcüstan millisinə baş məşqçi təyin olunub. Sportnet.az-ın Gürcüstan Futbol Federasiyasının rəsmi saytına istinadən məlumatına görə, 46 yaşlı mütəxəssislə müqavilə 2015-ci il yanvarın 1-dən qüvvəyə minəcək.
O, iyunun 1-dək paralel olaraq, "İnter"dəki işini də davam etdirəcək. Bu müddət bitdikdən sonra Tsxadadze Azərbaycan komandasının baş məşqçi postundan istefa verəcək və 2017-ci ilin sonlarınadək Gürcüstan yığmasına rəhbərlik edəcək.
Qeyd edək ki, Kaxaber Tsxadadze "İnter"ə 2009-cu ildə baş məşqçi təyin olunub.
