"Bu gün bəlkə də ən çox sevinənlərdən biri mənəm. Çünki güclü bir futbolçu Azərbaycan millisində çıxış edəcək". Sportnet.az-ın məlumatına görə, bunu Azərbaycan milli komandasının baş məşqçisi Robert Prosineçki Eddi İsrafilovun yığmamızda oynamasına dair əldə olunan razılığı şərh edərkən deyib.
Xorvatiyalı mütəxəssis İsrafilovun həm indiki, həm də əvvəlki klubunda oyunlarını izlədiyini, onun özü və ailəsi ilə şəxsən söhbətinin olduğunu açıqlayıb: "Eddinin bizim millimizdə oynaması və ispan dilində danışmağım işimizi asanlaşdıracaq. Yəqin ki, aramızda problem olmayacaq və bir-birini yaxşı başa düşəcəyik. Ümid edirəm ki, onun yığmaya çox köməyi dəyəcək".
