Bernar Şalland futbol üzrə Ermənistan milli komandasının baş məşqçi postundan istefa verib. Sportnet.az-ın məlumatına görə, isveçrəli mütəxəssisin istefası Ermənistan Futbol Federasiyasının prezidenti Ruben Ayrapetyan tərəfindən qəbul olunub.
Şalland yığmanın AVRO-2016-nın seçmə qrup mərhələsi çərçivəsində səfərdə Albaniyaya 1:2 hesablı məğlubiyyətindən sonra vəzifəsini tərk edib.
Qeyd edək ki, hazırda 1 xala malik Ermənistan millisi 4 turdan sonra 5 komandalı I qrupunda Serbiya ilə son 2 pilləni bölüşdürür.
