Rusiyanın Dağıstan Respublikasında 2008-ci il Pekin Yay Olimpiya Oyunlarının mükafatçısı Yusup Abdusalamovun mükafatı uğrunda sərbəst güləş üzrə sayca 7-ci açıq Respublika turniri keçirilib. Sportnet.az-ın məlumatına görə, turnirdə iştirak edən sərbəst güləş yığmamızın üzvləri 1 qızıl və 2 bürünc medala sahib olub.
74 kq çəki dərəcəsində mübarizə aparan "Rio-2016"nın bürünc medalçısı, ikiqat Avropa çempionu Cəbrayıl Həsənov bütün rəqiblərindən üstün olub və turnirin baş mükafatına layiq görülüb. Həlledici görüşdə o, yerli idmanı Hacı Nəbiyevi üstələyib.
Bürünc medalları Məhəmmədhacı Xatiyev (86 kq) və Roman Bəkirov (97 kq) qazanıb. Mahir Əmiraslanov (57 kq) isə beşinci olub.
Həsənova qızıl medal və diplomla yanaşı, 30 min rubl (təqribən 750 manat), Xatiyevlə Bəkirova isə hərəyə 10 min rubl (250 manat) pul mükafatı verilib.
