Braziliyanın İdman naziri Alda Rebel bu ay ölkəsində keçiriləcək Dünya çempionatı ilə bağlı maraqlı açıqlamalar verib. Sportnet.az-ın məlumatına görə, yerli mətbuata danışan dövlət rəsmisi çempionata hazırlıqla bağlı tam təminat verə bilməyəcəyini deyib.
Rebel fikrini belə izah edib: "Belə möhtəşəm çempionat öncəsi divara diploma asıb, deyə bilməzsən ki, mən hazıram. Biz gündə 24 saat çalışmalıyıq. Mən deyə bilmərəm ki, artıq hər şey hazırdır. Amma hazır olmaq üçün əlimizdən gələni edirik”.
Qeyd edək ki, Dünya çempionatı öncəsi Braziliyada tez-tez kütləvi aksiyalar və işçi tətilləri olur.
