Tennis üzrə "Böyük Dəbilqə" seriyasından olan "US Open" turnirində qadınların fərdi mübarizəsində finalçılar müəyyənləşib. Sportnet.az-ın məlumatına görə, amerikalı raketka ustası Serena Uilyams yarımfinalda rusiyalı Yelena Makarovanı məğlub edərək finala yüksəlib.
Uilyams rəqibini hər iki setdə məğlub edə bilib - 6:1, 6:3. Turnirin finalında onun rəqibi polşalı Karolin Voznyatski olacaq. Voznyatski yarımfinalda çinli Pen Şuayı üstələyib. İlk setdə tay-breyklə 6:7 (1:7) uduzan Şuay ikinci setdə 3:4 hesabı ilə geridə ikən zədə səbəbindən görüşü yarımçıq dayandırıb.
Qeyd edək ki, Yelena Makarova karyerasında ilk dəfə "Böyük Dəbilqə" seriyasından olan turnirdə yarımfinala qədər irəliləyə bilmişdi. Həmçinin, o. Serena Uilyamsla görüşə qədər "US Open" turnirində bir setdə belə məğlub olmamışdı.
