Britaniyalı motosikletçi Edrian Ouen 15 metr hündürlükdə qayalıqdan yıxılmasına baxmayaraq, sağ qalıb.
Sportnet.az-ın məlumatına görə, idmançı idarəetməni itirdiyi üçün yüksəklikdən uçub. Ouen bəxtinin gətirməsi üzündən ölmədiyini bildirib. O, xilasedicilərə, tibbi personala və həyatda qalması üçün ona kömək edən hər kəsə minnətdarlıq edib.
Motosikletçi xəstəxanaya helikopterlə çatdırılıb. Onun biləyi, dizi və çənəsi qırılıb. Habelə, Ouenin onurğa sütununun iki sümüyünün qırılma şübhəsi mövcuddur.
