"Formula 1"də çıxış edən "Benetton" və "Reno" komandalarının keçmiş rəhbəri Flavio Briatore 69 yaşında eşqə düşüb.
Sportnet.az-ın məlumatına görə, italiyalı biznesmen 20 yaşlı tələbə qız Benedetta Bozi ilə görüşür. Cütlük Keniyada istirahət vaxtı görüntülənib. Bozi hazırda Milan Universitetində hüquq təhsili alır. Briatore isə 2018-ci ilin yanvarında Elizabetta Qriqoraçi ilə 9 illik birgə həyatına son verib. Qriqoraçidən doğulan oğulun hazırda 9 yaşı var.
İş adamı Haydi Klum və Naomi Kempbell kimi top-modellərlə də görüşüb. Onun Klumdan olan oğlu isə 15 yaşındadır.
Qeyd edək ki, Flavio Briatorenin rəhbərliyi dövründə Mixael Şumaxer və Fernando Alonso kimi "Formula 1" pilotları dünya çempionu olublar (Autocity.az).
