"Qəbələ” İdman Klubunun taekvondoçusu Orxan Tağızadə növbəti uğurunu qazanıb. Sportnet.az-ın məlumatına görə, gənc idmançı Rusiyanın Yakutsk şəhərində keçirilən VI "Asiya Uşaqları” Beynəlxalq İdman Oyunlarının qalibi olub.
Yarışa qatılan gənclərdən ibarət Azərbaycan milli komandasının heyətində Rusiyaya yollanan Tağızadı +73 kq çəki dərəcəsində hamıdan güclü olub. Yunanıstan, Rusiya, Qazaxıstandan olan rəqiblərinə qalib gələn taekvondoçu finala vəsiqə qazanıb. Həlledici görüşdə daha bir rusiyalını məğlub edən Tağızadə fəxri kürsünün ən yüksək pilləsinə qalxmağı bacarıb.