Azərbaycanın və "Qəbələ” İdman Klubunun təmsilçisi Alim Nəbiyev növbəti döyüşünü keçirib. Sportnet.az-ın məlumatına görə, idmançı Fransanın Marsel şəhərində keçirilən döyüş gecəsində rinqə çıxıb.
Nəbiyev muay-tay növü üzrə dünya çempionu kəməri uğrunda mübarizə aparıb. 79,3 kq çəki dərəcəsində planetin ən yaxşısı olmaq üçün rinqə çıxan Alim fransalı Yohan Lidonla qarşılaşıb. Gərgin keçən döyüşdə qalib gələn idmançımız 5 raund davam edən döyüşdə xal hesabı ilə qalib gələrək, WMS versiyası üzrə dünya çempionu adına yiyələnib.
