Dekabrın 9-da Bakıda taekvondo üzrə Qran Prinin final mərhələsi start götürəcək.
Sportnet.az-ın məlumatına görə, ilk yarış günündə Azərbaycan yığmasının iki üzvü mübarizəyə başlayacaq. 2016-cı il Rio Yay Olimpiya Oyunlarının bürünc mükafatçısı Milad Beigi Harçeqaninin ilk mərhələdə (80 kq) rəqibi avstraliyalı Hayder Şkara olacaq. Roman Samodurov isə (58 kq) bu çəkinin reytinqində ilk pillədə yer alan Cənubi Koreya Respublikasının təmsilçisi Tae-hun Kim ilə döyüşəcək.
"Sərhədçi" Olimpiya İdman Mərkəzində keçiriləcək yarışa saat 10:00-da start veriləcək.
