"Qəbələ” İdman Klubunun təmsilçisi Nəriman Abbasov və "TT Fight Club”un üzvü Elnar İbrahimov MMA üzrə 59-cu beynəlxalq "Fight Nights Global” turnirində çıxışını davam etdirir. Sportnet.az-ın məlumatına görə, bu mərhələdə Abbasov Rusiya idmançısı Artur Zanyukovla qarşılaşacaq.
O, qarşılaşmanı qələbə ilə tamamlasa, turnirin kəməri uğrunda döyüşmək hüququ qazanacaq. İbrahimov isə erməni əsilli Rusiya təmsilçisi Vartan Asatryan ilə qüvvəsini sınayacaq. Qələbə azərbaycanlı döyüşçü finala vəsiqəsini təmin edəcək.
Döyüşlər fevralın 23-ü Moskvada – Ximki Arenada keçiriləcək.
