Peşəkar boksda videotəkrardan istifadə ediləcək. Sportnet.az xəbər verir ki, bu barədə Dünya Boks Şurasının (WBC) prezidenti Maurusio Süleyman qurumun bu gün Bakıda işinə başlayan 55-ci Konvensiyasında bildirib.
O, deyib ki, hakimliklə bağlı iki illik pilot layihə hazırlanıb və istifadəyə veriləcək: "Bir çox idman növlərində artıq belə texnologiyadan istifadə edirlər. Düşünürük ki, boksda da bundan yararlanmalıyıq”.
Qeyd edək ki, federasiya rəhbərləri, idman menecerləri, keçmiş və hazırki çempionatların, ümumilikdə Avropa, Asiya, Afrika, Şimali və Cənubi Amerika qitəsindən 500-dən artıq qonağın qatıldığı Konvensiyaya oktyabrın 6-da yekun vurulacaq.
