Azərbaycan cüdoçusu Orxan Səfərov Macarıstanın paytaxtı Budapeştdə keçirilən dünya çempionatında bürünc medal uğrunda görüşə çıxıb.
Sportnet.az-ın məlumatına görə, 66 kq-da yarışan idmançı rusiyalı Yaqub Şamilovla üz-üzə gəlib.
Qarşılaşmadan məğlub ayrılan Səfərov beşinci yerlə kifayətlənib.
Qeyd edək ki, yarışın ilk günündə 60 kq-da çıxış edən Kəramət Hüseynov bürünc medal qazanıb.
------
Azərbaycan cüdoçusu Orxan Səfərov Macarıstanın paytaxtı Budapeştdə keçirilən dünya çempionatında yarımfinal görüşünə çıxıb.
Sportnet.az-ın məlumatına görə, 66 kq-da yarışan idmançı finala gedən yolda yaponiyalı Yoşiro Maruyama ilə qarşılaşıb.
Qızıl xal bölümündə rəqibinə uduzan Səfərov həlledici görüşə vəsiqə qazana bilməyib. O, bürünc medal uğrunda rusiyalı Yaqub Şamilovla qüvvəsini sınayacaq.
-----------------------
Azərbaycan cüdoçusu Orxan Səfərov (66 kq) Macarıstanın paytaxtı Budapeştdə keçirilən dünya çempionatında yarımfinala vəsiqə qazanıb.
Sportnet.az-ın məlumatına görə, 1/4 finalda fransalı Kilian Le Blonu məğlub edən idmançının finala gedən yolda rəqibi yaponiyalı Yoşiro Maruyama olacaq.
Mübarizəyə 1/32 finaldan başlayan Səfərov ardıcıl olaraq, Natan Berns (İrlandiya), Sərdor Nurillayev (Özbəkistan) və Veyl Ezziyə (Əlcəzair) qalib gəlib.
Bu çəkidəki digər cüdoçu Nicat Şıxəlizadə isə startda Lüsian Dumitreskiyə (Rumıniya) uduzub.
Qadınların yarışında Gültac Məmmədəliyeva (52 kq) 1/32 finalda Tatyana Levitska - Şukvanidən (Gürcüstan) güclü olsa da, növbəti raundda Astrid Qneto (Fransa) ilə bacarmayıb.
---------------------------
Bu gün Azərbaycanın daha 3 cüdoçusu Macarıstanın paytaxtı Budapeştdə keçirilən dünya çempionatında mübarizəyə qoşulacaq.
Sportnet.az-ın məlumatına görə, kişilərin yarışında Nicat Şıxəlizadə və Orxan səfərov (hər ikisi 66 kq), qadınlardan isə Gültac Məmmədəliyeva (52 kq) tatami üzərinə çıxacaq.
Şıxəlizadənin ilk rəqibi Lyüsian Dumitreski (Rumıniya) olacaq. Səfərov mübarizəyə İrlandiya təmsilçisi Natan Bernsə qarşı görüşlə start verəcək.
Məmmədəliyeva isə ilk qarşılaşmasında Tatyana Levitska - Şukvani (Gürcüstan) ilə üz-üzə gələcək.
Qeyd edək ki, yarışın ilk günündə 60 kq-da çıxış edən Kəramət Hüseynov bürünc medal qazanıb.
Dünya çempionatı
7 iyun
Kişilər
66 kq
1/32 final. Nicat Şıxəlizadə - Lüsian Dumitreski (Rumıniya)
1/32 final. Orxan Səfərov - Natan Berns (İrlandiya)
1/16 final: Orxan Səfərov - Sərdor Nurillayev (Özbəkistan)
1/8 final: Orxan Səfərov - Veyl Ezzin (Əlcəzair)
1/4 final. Orxan Səfərov - Kilian Le Blo (Fransa)
1/2 final. Orxan Səfərov - Yoşiro Maruyama (Yaponiya)
Bürünc medal görüşü: Orxan Səfərov - Yaqub Şamilov (Rusiya)
Qadınlar
52 kq
1/32 final. Gültac Məmmədəliyeva - Tatyana Levitska - Şukvani (Gürcüstan)
1/16 final. Gültac Məmmədəliyeva - Astrid Qneto (Fransa)
