Hazırda Avropa Liqasının I təsnifat mərhələsinin cavab görüşündə "Qəbələ" Tbilisi "Dinamo"su ilə qarşılaşır. Sportnet.az-ın məlumatına görə, oyuna maraq kifayət qədərdir.
Belə ki, artıq matçın startından dəqiqələr keçsə də, azarkeşlər hələ də tribunalara axın edir. Bundan başqa Gürcüstan azarkeşləri də komandalarına dəstək vermək üçün stadiona gəliblər. Təhlükəsizliyi təmin etmək məqsədilə qonaq azarkeşlərin olduğu tribunanın yanındakı oturacaqlar boş saxlanılıb.
Üstəlik "Qəbələ" azarkeşləri ilk görüşdə gürcü tərəfdarların Qax və Zaqatala ilə bağlı nümayiş etdirdikləri pankarta cavab olaraq "Canım Azərbaycanım" yazılan pankart açıblar.
Qeyd edək ki, Qəbələ şəhər stadionunda davam edən matçda hesab açılmayıb.
