Portuqaliyanın "Sportinq" klubunun və İsveç millisinin futbolçusu Viktor Dyökereş 2024-cü ildə 60-cı qolunu vurub.
Sportnet.az xəbər verir ki, hücumçu bunu Portuqaliya çempionatının XIII turunda "Moreyrense" ilə matçda gerçəkləşdirib.
Dyökereş "Sportinq"in 1:2 hesablı məğlubiyyəti ilə başa çatan görüşün 12-ci dəqiqəsində fərqlənib. O, 60 qoldan onunu millinin heyətində vurub.
Qeyd edək ki, "Sportinq" hazırda 33 xalla Portuqaliya çempionatının turnir cədvəlində liderdir. Dyökereş 17 qolla bombardirlər siyahısına başçılıq edir.
