Azərbaycan Kubokunun 1/2 final mərhələsinin "Araz-Naxçıvan" - "Qarabağ" oyunununda iştirak etməyəcək futbolçular müəyyənləşib.
Sportnet.az xəbər verir ki, Muxtar Respublika təmsilçisi bu matça 3, Ağdam klubu isə 1 itki ilə çıxacaq.
Elmar Baxşıyevin rəhbərlik etdiyi kollektivdən Mustafa Əhmədzadə, Miço Kuzmanoviç və Əyyub Allaş yarımfinal mərhələsinin ilk oyununu buraxacaq.
"Köhlən atlar"da isə qapıçı Şahruddin Məhəmmədəliyev meydana çıxa bilməyəcək. O, Azərbaycan milli komandasının təlim-məşq toplanışında zədələnib.
Qeyd edək ki, "Liv Bona Dea Arena"da keçiriləcək "Araz-Naxçıvan" - "Qarabağ" qarşılaşması saat 17:00-da start götürəcək.
