UEFA Çempionlar Liqasının II təsnifat mərhələsində "Qarabağ"ın rəqibi müəyyənləşib.
Sportnet.az xəbər verir ki, bu, İrlandiyanın "Şelburn" komandasıdır.
"Şelburn" I təsnifat mərhələsində Şimali İrlandiya "Linfild"ini mübarizədən kənarlaşdırıb. Evdə 1:0 hesablı qələbə qazanmış İrlandiya təmsilçisi az öncə başa çatan səfər matçında heç-heçəyə nail olub - 1:1.
Hesabı 25-ci dəqiqədə "Şelburn"un futbolçusu Alister Kut açıb. 45+3-cü dəqiqədə Kris Şilds penalti ilə bərabərlik qolunu vurub. 64-cü dəqiqədə "Linfild"in futbolçusu Ben Holl qırmızı vərəqə alaraq, komandasını azlıqda qoyub.
Qeyd edək ki, ilk oyun iyulun 23-də Şelburn şəhərindəki "Tolka Park" stadionunda Bakı vaxtı ilə saat 22:45-də, cavab görüşü iyulun 30-da Bakıdakı Tofiq Bəhramov adına Respublika stadionunda saat 20:00-da başlanacaq.
