Ukrayna yığmasının futbolçusu Georgi Sudakov Ukraynanın "Şaxtyor Donetsk" komandasından Portuqaliya "Benfika"sına keçib.
Sportnet.az hər iki klubun rəsmi saytına istinadən Lissabon təmsilçisi 23 yaşlı yarımmüdafiəçini 2025/2026 mövsümünün sonunadək icarəyə götürüb.
Sudakov yeni klubunda 10 nömrəli forma ilə çıxış edəcək. O, Ukrayna millisindəki komanda yoldaşlı Anatoli Trubinlə burada da birlikdə yer alacaq.
Qeyd edək ki, Ukrayna yığması 2026-cı il dünya çempionatının seçmə mərhələsində Azərbaycan millisinin, "Benfika" isə UEFA Çempionlar Liqasının Liqa mərhələsində "Qarabağ"ın rəqiblərindəndir. Azərbaycan millisi Ukrayna ilə sentyabrın 9-da Bakıda, "Qarabağ" isə "Benfika" ilə sentyabrın 16-da Lissabonda üz-üzə gələcək.
