İspaniyanın "Atletiko Madrid" klubu yeni futbolçusu Lusiano Vyettonun təqdimetmə mərasimini keçirib. Sportnet.az-ın məlumatına görə, bu barədə klubun rəsmi saytı xəbər verib.
21 yaşlı argentinalı hücumçu ilə 6 illik müqavilə imzalanıb. Lakin transferin qiyməti açıqlanmayıb.
Qeyri-rəsmi mənbələrin yaydığı xəbərə görə, Vyetta Madrid klubunda 22 milyon avro qazanacaq. Hələ onun yeni klubunda forma nömrəsi də bəlli deyil.
Qeyd edək ki, Lusiano Vyetto son mövsümü "Vilyarreal"da keçirib. İştirak etdiyi 48 matçda 20 dəfə fərqlənib.
