"Meydanda gərgin mübarizə getdi. Futbolçularımız bir neçə şansdan yararlana bilmədilər". Sportnet.az-ın məlumatına görə, bunu Bakı "İnter"i ilə Avropa Liqasının I təsnifat mərhələsinin cavab oyunundan sonra Albaniya "Laçi"sinin baş məşqçisi Armando Kunqu deyib.
İki oyunun nəticəsində mərhələ keçə bilməsələr də, Kunqu komandasının "İnter"dən yaxşı oynadığını iddia edib: "Albaniya balaca dövlət olsa da, biz göstərdik ki, futbol oynamaği bacarırıq".
Hakimlik barədə də danışan baş məşqçinin sözlərinə görə, qazaxıstanlı referi Aleksandr Əliyevin qərarları onun həyəcanlı olmasından xeber verib: "Ancaq mən peşəkaram. Hakimin qərarlarını müzakirə etmək istəmirəm".
Kunqu "İnter"in heyətində Rauf Əliyev, Nika Kvekveskiri və Xuafranı bəyəndiyini də əlavə edib.
