Bu gün UEFA Çempionlar Liqasının Liqa mərhələsində ilk turun son 6 oyunu keçiriləcək.
Sportnet.az xəbər verir ki, qarşılaşmalardan yarısı "Qarabağ"ın rəqiblərinin iştirakı ilə baş tutacaq.
Azərbaycan təmsilçisinin növbəti rəqibi "Kopenhagen" Danimarkada Almaniya "Bayer"ini sınağa çəkəcək. Qarşılaşmanı Əliyar Ağayevin rəhbərliyi altında azərbaycanlı hakimlər briqadası idarə edəcək.
Bu, həm də günün ilk 2 matçından biri olacaq. Dogər erkən qarşılaşma Belçikada "Brügge" ilə Fransa "Monako"su arasında gerçəkləşəcək.
"Qarabağ"ın səfərdə qarşılaşacağı rəqiblərdən İtaliya "Napoli"si bu gün İngiltərədə "Mançester Siti"nin qonağı olacaq. "Ayntraxt" isə Almaniyada Türkiyə təmsilçisi "Qalatasaray"ı qəbul edəcək.
Çempionlar Liqasının favoritlərindən sayılan İspaniya "Barselona"sı İngiltərədə "Nyukasl"ın, debütant Qazaxıstan "Kayrat"ı isə Portuqaliyada "Sportinq"in qonağı olacaq.
UEFA Çempionlar Liqası
Liqa mərhələsi, I tur
18 sentyabr
20:45. "Brügge" (Belçika) - "Monako" (Fransa)
20:45. "Kopenhagen" (Danimarka) - "Bayer" (Almaniya)
23:00. "Mançester Siti" (İngiltərə) - "Napoli" (İtaliya)
23:00. "Nyukasl" (İngiltərə) - "Barselona" (İspaniya)
23:00. "Sportinq" (Portuqaliya) - "Kayrat" (Qazaxıstan)
23:00. "Ayntraxt" (Almaniya) - "Qalatasaray" (Türkiyə)
