Qana millisinin kapitanı Asamoa Qyan "Şanxay Telleys" klubu ilə iki illik müqavilə imzalayıb. Sportnet.az-ın məlumatına görə, bu barədə futbolçunun rəsmi saytı xəbər yayıb.
Bu günlərdə Çin təmsilçisi 29 yaşlı futbolçunun "Əl-Ayna" klubundan transferi ilə bağlı məlumat vermişdi.
Hücumçu yeni klubunda həftəsinə 227 min funt sterlinq qazanacaq. Bu maaşa görə, o, dünyada ən çox pul qazanan 7-ci futbolçu olacaq.
Qeyd edək ki, həftəyə ən çox qazanan futbolçular bunlardır: Robin van Persi ("Mançester Yunayted, 250 min funt sterlinq), Ueyn Runi ("Mançester Yunayted", 250), Hames Rodriqes ( "Real Madrid", 305), Qaret Beyl ("Real Madrid", 320), Zlatan İbrahimoviç (PSJ, 410), Lionel Messi ("Barselona", 645) və Kriştianu Ronaldu ("Real Madrid", 650).
