Kaşkilya: Rəşad Sadıqovdan üzr istəyirəm

Tarix: 8-05-2026, 19:47 Baxış sayı: 97 Bölmə: Futbol / Misli Premyer Liqası / Göy

Azərbaycan Premyer Liqasının XXXI turunda "İmişli" evdə "Zirə" ilə 0:0 hesablı heç-heçə edib.

Sportnet.az xəbər verir ki, bölgə təmsilçisinin baş məşqçisi Jorj Kaşkilya matçdan sonra keçirilən mətbuat konfransında jurnalistlərin suallarını cavablandırıb:

- Oyunu şərh etməzdən əvvəl “Zirə”nin baş məşqçisi Rəşad Sadıqovdan üzr istəmək istəyirəm. Oyundan sonra emosiyalarıma qapıldığım üçün əvvəlcə oyunçularıma yaxınlaşıb onları təbrik etdim və Rəşad Sadıqovla görüşə bilmədim. Oyuna gəlincə, meydanda yaxşı və rəqabətli mübarizə getdi. Hər iki komanda qol vurmağa çalışırdı. Birinci hissədə “İmişli” olaraq “Zirə”yə qarşı çox yaxşı çıxış etdik və rəqibdən daha çox qol epizodu yaratdıq. “Zirə”nin də iki real qol imkanı oldu, lakin onlar bu şanslardan yararlana bilmədilər. Biz də öz fürsətlərimizi dəyərləndirə bilmədik. Buna görə də ilk hissə 0:0 hesabı ilə başa çatdı.

İkinci hissədə də gərgin və rəqabətli oyun davam etdi. Sadəcə, ikinci hissənin ortalarından sonra “Zirə” daha fəal oynamağa başladı və uzun ötürmələrə üstünlük verdi. Buna görə biz də müdafiə xəttimizi bir qədər geri çəkərək daha diqqətli oynadıq. Düşünürəm ki, heç-heçə oyunun ədalətli nəticəsi oldu.

“Zirə”yə qarşı bu mövsüm üç oyun keçirmişik və hər üç qarşılaşma heç-heçə ilə nəticələnib. Ən vacib məqam isə odur ki, “İmişli” qarşısına qoyduğu məqsədə çatdı. Komanda çempionat ərzində yaxşı oyun nümayiş etdirdi və buna görə futbolçularımı təbrik edirəm. Onlar hər görüşdə sona qədər mübarizə apardılar və rəqabətli oyun sərgilədilər.

Texniki heyətin əməyini də xüsusi qeyd etmək istəyirəm. Oyunçular texniki heyətə, texniki heyət isə oyunçulara inanırdı. Məhz bu qarşılıqlı inam sayəsində çempionatın son hissəsini uğurla keçiririk.

Sonda “Zirə”yə ölkə kubokunun final oyununda uğurlar arzulayıram.

- Ev oyunlarınızı başqa stadionda keçirsəydiniz, "İmişli" daha yuxarı pillələrdə ola bilərdi?

- Bilmirəm. Bizim meydançamız buradır, burada oynamalıyıq. Əlimizdən gələni etdik.

- Mətbuatda yayılan xəbərlərə görə, klub rəhbərliyi növbəti mövsüm üçün ispaniyalı baş məşqçi ilə anlaşıb. Bununla bağlı nə deyə bilərsiniz?

- Bu barədə nə isə deyə bilmərəm.

« İyun 2026 »
Be	Ça	Ç	Ca	C	Ş	B
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

1	Sabah	33	78
2	Qarabağ	33	69
3	Turan-Tovuz	33	59
4	Neftçi	33	59
5	Zirə	33	53
6	Araz-Naxçıvan	33	46
7	Sumqayıt	33	41
8	Şamaxı	33	38
9	İmişli	33	34
10	Kəpəz	33	27
11	Qəbələ	33	27
12	Karvan-Yevlax	33	15

1	Şəfa	27	57
2	Mingəçevir	27	51
3	Səbail	27	50
4	Baku Sportinq	27	49
5	Şahdağ Qusar	27	43
6	MOİK	27	33
7	Zaqatala	27	28
8	Cəbrayıl	27	24
9	Şimal	27	20
10	Difai	27	18
Ətraflı

1	Xankəndi	27	76
2	Qaradağ Lökbatan	27	71
3	Quba	27	51
4	Şirvan	27	40
5	Dinamo	27	37
6	Şəmkir	27	33
7	Sheki City	27	30
8	Kür-Araz	27	27
9	Ağdaş	27	26
10	Göygöl	27	25
11	Ağstafa Gəncləri	27	24
12	Araz Saatlı	27	23	Ətraflı

Kaşkilya: Rəşad Sadıqovdan üzr istəyirəm

SPORTNET TV

SAY-SEÇMƏ

FACEBOOK

TƏQVİM

ARXİV

SORĞU