Bu gün Azərbaycan Premyer Liqasının XXXI turunun son 2 görüşü keçiriləcək.
Sportnet.az xəbər verir ki, günün ilk oyunu Tovuzda olacaq.
Eyniadlı şəhərin "Turan Tovuz" komandası "Karvan-Yevlax"ı qonaq edəcək.
Saat 17:00-da start veriləcək qarşılaşmanı baş hakim Əkbər Əhmədov idarə edəcək.
56 xalı olan Tovuz təmsilçisi 3-cü, 14 xallı yevlaxlılar isə sonuncu - 12-ci pillədədir.
"Karvan-Yevlax" bu görüşdə də xal itirsə, aşağı liqaya düşməsi rəsmiləşəcək.
Tərəflər indiyədək 2 dəfə qarşılaşıb. Hər iki görüş cari mövsümə təsadüf edib. Hər iki oyunda “Turan Tovuz” qələbə qazanıb. “Karvan-Yevlax” səfərdə qol vurmayıb.
Günün ikinci matçı isə "Palm Sports Arena"da baş tutacaq. "Neftçi" "Şamaxı"nı qonaq edəcək. Saat 19:30-da başlayacaq görüşü FIFA referisi Tural Qurbanov idarə edəcək.
50 xalı olan Bakı təmsilçisi 4-cü, 35 xala malik region klubu isə cədvəlin 8-ci pilləsində qərarlaşıb.
Klublar indiyədək 80 dəfə qarşılaşıb. Bunlardan 44-ü "ağ-qaralar"ın, 16-sı "şirlər"in xeyrinə başa çatıbsa, 20 dəfə də heç-heçə qeydə alınıb “Şamaxı” son 12 matçda qələbə qazanmayıb. “Neftçi” son 5 qarşılaşmada qol vurub.
Azərbaycan Premyer Liqası
XXXI tur
10 may (bazar)
19:30. “Turan Tovuz” – “Karvan-Yevlax”
Hakimlər: Əkbər Əhmədov, Akif Əmirəli, Zeynal Zeynalov, Niyaz Əhmədov
VAR: Elçin Məsiyev
AVAR: Namiq Hüseynov
Hakim-inspektor: Əmrah İbrahimov
AFFA nümayəndəsi: Eldəniz Musayev
Tovuz şəhər stadionu, 17:00
19:30. “Neftçi” – “Şamaxı”
Hakimlər: Tural Qurbanov, Cəmil Quliyev, Asiman Əzizli, Rövşən Rəcəbov
VAR: Rəşad Əhmədov
AVAR: Müslüm Əliyev
Hakim-inspektor: Asim Xudiyev
AFFA nümayəndəsi: Seymur Səlimli
“Palms Sports Arena”
Xatırladaq ki, turun əvvəlki oyunlarında "İmişli" evdə "Zirə" ilə 0:0, "Qəbələ" "Qarabağ"la 1:1 hesablı heç-heçə edib. "Kəpəz" səfərdə "Sabah"ı, "Sumqayıt" evdə "Araz-Naxçıvan"ı məğlubiyyətə uğradıb.
