AFFA-nın Hakimlər Komitəsinin sədri Xəqani Məmmədov "Kəpəz"in futbolçuları ilə görüş keçirib. Sportnet.az-ın məlumatına görə, tədbir "Kəpəz” Peşəkar Futbol Klubunun rəhbərliyinin xahişi ilə baş tutub.
Görüşdə X.Məmmədov oyun qaydaları haqda oyunçulara məlumat verib, qarşılıqlı fikir mübadiləsi aparılıb. Komitə sədri həmçinin futbolçuların çoxsaylı suallarını cavablandırıb.
Qərara alınıb ki, tərəflər arasında belə görüşlər mütamadi keçirilsin.
Sonda klubumuzun rəhbərliyi görüşə görə Xəqani Məmmədova öz minnətdarlığını bildirib.
