"Xəzər Lənkəran”ın baş məşqçisi Yunis Hüseynov "İnter"i 2:0 hesabı ilə yendikləri Topaz Premyer Liqasının ilk tur matçını dəyərləndirib. Sportnet.az-ın məlumatına görə, 50 yaşlı mütəxəssis əvvəlcə futbol ictimaiyyətini yeni mövsüm münasibəti ilə təbrik edib.
Ardından o bildirib ki, heyətdəki gənc oyunçuların çoxluğuna və yeni transferlərin qeydiyyatına FİFA tərəfindən qadağa qoyulmasına baxmayaraq, rəqibi yaxşı analiz ediblər: "Gənc oyunçular özlərini yaxşı tərəfdən göstərə bildilər. Qarşıda bizi çətin oyunlar gözləyir. Həmin görüşlərə hazırlaşmalıyıq”.
